Rêxistina HDP'ê ya Mersînê li meydana Tirmilê mîtînga "NA" pêk tîne. Welatiyên Mersînê, ji bo beşdarî mîtîngê bibin danê sibehê ji tax û navçeyên Mersînê berê xwe dan qada mîtîngê. 

Welatiyên herikîn qada mîtîngê û yên xwestin poster û kartpostalên Hevseroka Giştî ya HDP’ê Figen Yuksekdag têxin qada mitîngê rastî astengiyê polîsan hatin. Polîsan kartpostalên Yuksekdag desteser kir û destûr neda ku partpostalan têxin qada mitîngê. 

Piştî di navbera rêveberên HDP'ê û polîsan de demekê niqaş derket, herî dawî polîsan kartpostalên Yuksekdag desteser kir. 

Li aliyê din ciwanekî din bi hinceta posterê Yuksekdag belav kiriye hat binçavkirin. Girseya ku bi alên HDP û NA diçin qada mîtîngê piştî di nuqteyên lêgerînê re derbas dibin dikevin qada mîtîngê. 

Girseya ku li qada mîtîngê kom dibin li ber stran û muzîkê govendê digerînin. Ligel dorpêça polîsan herikîna qadê didome.