Li Edeneyê, operasyonên qirkirina siyasî dewam dikin. Bi sedan polîsên Tirk, danê sibehê bi wesayitên zirxî avêtin ser 15 adresand. Di dema serdegirtinê de deriyê malan şikandin û 12 kes bin çav kirin.

Duh û pêr jî 22 kes li Edeneyê hatibûn binçavkirin.

SKENDERÛN

Li navçeya Skenderûn a Hatayê, danê vê sibehê polîsên Tirk avêtin ser malan. Di serdegirtinê de gelek endamên HDP'ê hatin binçavkirin.

Çend ji kesên hatine binçavkirin ev in: Hevserokê berê yê HDP'ê yê navçeya Skenderûnê Abdûrrahîm Şahîn, rêveberê HDP'ê yê navçeya Skenderûnê Mehmet Şîrîn Aydin.

ÊLIH

Li Êlihê, 7 endamên meclîsa şaredariyê yên DBP'yî, ku ji aliyê qeyûm ve ji wezîfeyê hatin girtin, hatin binçavkirin.

Kesên hatine binçavkirin ev in: Hurriyet Kaytar, Ekrem Çelîk, Necmî Dîlmaç, Azîz Aksîn, Azad Çîftçî, Îkram Gozrnu, Nasir Taş.