Meclîsa Şengalê ya li Derveyî Welat (MŞD) bang li civaka Êzidî kir ku di 2'ê Mijdarê Roja Rojava ya Dinyayê de li dijî dagirkerî û faşîzma dewleta Tirk bi ruhê seferberiyê li her qadê dengê xwe bilind bikin û berxwedanê geş bikin.
Meclîsa Şengalê ya li Derveyî Welat bi wesîleya 2'ê Mijdarê Roja Rojava ya Dinyayê daxuyaniyek weşand.
Di daxuyaniyê de hate bibîrxistin ku yên destpêkê bi hawara Şengalê ve hatin û ew ji qirkirina DAÎŞ'ê rizgarkirin hêzên Rojavayê Kurdistanê bûn û destnîşan kir, ku îro jî roja xwedîderketina li Rojava ye.
Di daxuyaniyê de hate ragihandin ku DAÎŞ a hov projeyek bû, serkêşê wê jî dîktator Erdogan bû û hate destnîşankirin, ku Erdogan ji bo tola têkçûna DAÎŞ'ê hilîne Efrîn dagir kir, bombe li Şengalê barand û di 9'ê Cotmehê de bi rengekî hovane êrîşî Bakur û Rojhilatê Sûriyeyê kir.
MŞD'ê diyar kir ku desthilatdariya dewleta Tirk dixwaze destketiyên Kurdan hemûyan ji holê rake, herêmê bi temamî dagir bike û destnîşan kir, "Ji ber vê yekê em ê jî li dijî faşîzmê û çeteyên wan xeta berxwedanê mezin bikin. Bi ruhê seferberiyê wê civaka Êzidî di 2'ê Mijdarê de ji bo Rojava dakeve qadan."
