Demîrtaş bi sernavê "Dem dema wêrekiyê ye, ne dema dijminatiyê ye" peyam weşand. Di peyamê de ji krîzên li Rojhilata Navîn heta bangên ji bo aştî û edaletê ya siyaseta Tirkiyeyê, gelek mijar nirxand.

Demîrtaş têkildarî aloziya navbera Îran-Îsraîlê rexne li rejîma zordar a li Îranê kir û anî ziman ku tevî vê jî ti destwerdana emperyalîst nikare were rewakirin. Demîrtaş destnîşan kir ku divê krîz bi rêya danûstandinan werin çareserkirin û got ku emperyalîzm "ne serketin e, wêranî ye."

Demîrtaş li ser banga Rêber Apo ya 27’ê Sibatê û biryara fesixkirina PKK’ê jî rawestiya û anî ziman ku ji bo pêvajoya çekdanînê bi hevsengî û bi lez bi dawî bibe divê her kes bi berpirsiyarî tevbigere. 

Demîrtaş li ser girtina siyasetmedar û zexta darazê ev tişt anî ziman: “Divê şaredarên hilbijartî negirtî bên darizandin, dawî zexta darazê ya li ser siyasetê were û Tirkiye bibe xwedî pergalek hiqûqî ya dadwerî û pêbawer."

Demîrtaş li hemberî pêngavên siyasî yên "maceraperest û wê karestê bînin" hişyarî da û banga berxwedana ji bo civaka azad, laîk û wekhev kir.

Demîrtaş pêşniyar kir ku ji bo aştiya navxweyî misoger bikin û di siyaseta derve de helwestek hevpar diyar bikin divê hemû serokên partiyan li ser vexwendina serokkomar li Meclîsê bicivin û got: "Bi pêşdîtina ku wê agirê Rojhilata Navîn di demeke kon de venemire, ji bo diyarkirina xeta polîtîkaya hevpar a navxweyî û derve divê polîtîkayên demkurt, navîn û dirêj bên pêşxistin û her koma siyasî bi dilrehetî vê yekê biparêze. Divê di demeke kurt de hemû serokên partiyên siyasî yên li Meclîsa Mezin a Tirkiyeyê bi vexwendina serokkomar civîna xebatê li dar bixin."

Demîrtaş wiha dawî li peyama xwe anî:

"Xetereya mezin ew e ku li ser navê yekîtî û wekheviyê rêbazên dijdemokratîk vê yekê paqij bikin. Ew Tirkiyeyek e ku bi mezlûmî ava bûye, Tirkiyeyek e ku bi dadwerî ava bûye, Tirkiyeyek e ku di aştiyê de geş bûye û ji bo vê yekê divê gotinek me hebe, wêrekiya ku em nîşan bidin hebe û îradeya hevgirtinê hebe. Ev bahoz bê guman rojekê wê kêm bibe û em, wekî gelên kevnar ên van axan li vir bin, em ê bi hev re, bi azad û wekhev bijîn."