Bi sedan kesên li xeta sînor a Kobanê-Pirsûsê nobetê digirin, piştî ku zincîra mirovahiyê ava kirin bi yekdengî stranên Kobanê gotin û şervanên YPG-YPJ’ê silav kirin.

Berxwedana Kobanê ya li dijî çeteyên DAIŞ’ê kete roja 47’emîn û nobetên li xeta sînor tên girtin jî bi çalakî û şahiyan berdewam dikin. Çalakiya zincîra mirovahiyê ku li sînorê Pirsûsê her roj bi rêk û pêk, pêk tê îro jî pêk hat. Gelê ku li sînor nobet digirtin saet di 10.30’an de li Mehserê û saet di 11.00’an jî li gudnê Miseynterê berê xwe dan Kobanê û zincîra mirovahiyê ava kirin.

Bi sedan kesî destê hev girtin û zincîr ava kirin. Gel bê navber dirûşmeyên "Bijî Berxwedana YPG/YPJ", "Biî berxwedana Kobanê" û "Bijî Serok Apo" berz kirin û xwestin dengê xwe bigihînin şervanên YPG-YPJ’ê. Welatiyan piştî zincîrê bi yek dengê stranên Kobanê striyan.