Li qadeke Kîlîsê, ku leşkerên Tirk ên tevlî 'Mertala Firatê' dibin bi rengekî demkî lê ne, şewat derket. Tê gotin, 10 leşker ji ber dûxanê bi jehrê ketine. Ji ber bandora ba, şewat li qadeke berfireh belav dibe.
Li herêma konteynirê ya demkî, ku li herêma 15 kîlometre ya navbera Kîlîs û Dîlokê ye û leşkerên Tirk weke baregeheke demkî bi kar tînin, şewat derket.
Ji ber dûxanê 10 leşker bi jehrê ketin û cebilxaneyên leşkeran jî teqiyane.
Dengê teqînê ji navenda Kîlîsê jî hate bihîstin. Hejmareke zêde ya arkujiyan hewl dide şewatê vemirînin. Hat gotin, ji ber bandora ba, şewat li qadeke berfireh belav dibe.
Rêya bejahî ya li herêma şewat lê derket, li trafîkê hate girtin.
