Parlamentoya Ewropayê di 4’ê Mijdarê de konferanseke bi navê ‘Êrîşên DAIŞ’ê yên li hember Kobanê û bandora wê ya li ser herêmê’ pêk tîne.

Konferansa ku wê hevserokê PYD’ê Salîh Muslim jî wek axaftinvan tevlî bibe, Seroka Koma Çep a PE’ê Gabrîele Zîmmer, Parlamenterê Keskan Bart Staes û  ji Kongreya Neteweyî ya Kurdistanê Adem Uzun wê amade bin.

Moderatoriya rûniştina yekemîn, Parlamenter Marîe-Chîrîstîne Vergîat dike. Di rûniştinê de mijara ‘Çima Kobanê’ ji aliyê Parlamenter Bodil Ceballos ve, mijara ‘Hêzên navneteweyî ya li herêmê û rola Tirkiyeyê ji aliyê Akademîsyenê ji Zanîngeha Sussex, Kamran Matîn û mijara ‘Encama şerê Kobanê ya ji bo herêm û Ewropayê’ wê parlamenterekî PE’ê bike.

Rewşa dawî ya Kobanê jî wê Hevserokê PYD’ê Salîh Muslim bîne ziman.

Konferans di navbera saet, 15.00 û 18.30’an de wê pêk bê.