Li Parlamentoya Ewrûpayê di meha Kanûnê de 11. Konferansa Kurd a navneteweyî tê lidarxistin. Di konferansê de kaosa di Rojhilata Navîn, pêvajoya çareseriyê ya Tirkiyeyê û têkiliyên Tirkiye-YE rojevên sereke ne.

Di nav sazûmankarên konferansa ku wê di 10-11'ê Kanûnê de bê lidarxistin xwediyê Xelata Aştiyê ya Nobelê Desmond Tutu, xwediya Xelata Aştiyê ya Nobelê Şîrîn Ebadî, berdevkê Wexfa Parastina Hawîrdorê û Qasidê Başiyê yê Konseya Ewropa Bîanca Jagger, Parlementera berê ya DEP’ê û xwediyê Xelata Azadiya Ramanê ya Sakharov Leyla Zana, Prof. nivîskar Noam Chomsky û nivîskar Yaşar Kemal hene.

Sernava konferansê, “Yekîtiya Ewropa, Tirkiye, Rojhilata Navîn û Kurd in."

Wê di konferansê de pêvajoya çareseriyê ya li Tirkiyeyê û rola Rêberê Gelê Kurd Abdullah Ocalan bi berfirehî werin nîqaşkirin.

Di 2. roja konferansê de jî wê krîza li Iraqê terora DAIŞ û rewşa herêma Kurdistanê bên nirxandin û her wiha alternatifên ji bo kaosa Rojhilata Navîn bên destgirtin.

Tevkariya DYA jî ya ji pêvajoyê re wê çawa be yek ji nîqaşên konferansê ye.

Di vê çarçavoyê de têkiliyên Tirkiye-YE, pirsgirêka Kurd, qetilkirina sê siyasetmedarên Kurd li Parîsê wê bên nirxandin.

Bi vê ve girêdayî di çareserkirina krîzan de perspektîfa jinan jî wê yek ji sernavên konferansê be.

Axaftvan wiha ne,

ji Başûrê Afrîka Desmond Tutu û Essa Moosa, Midûrê Weqfa Berghof Joachim Giesmann ê li Elmanyayê di mijara şer û pevçûnan de lêkolînên wî yên girîng hene. Parlamentera Ewropa ya ji koma Sosyal Demokrat a Portekîz Ana Gomes, ji Hollandayê Parêzer Marîeke van EIK, sekretere giştî yê EUTCC Michael Gunter, ji Navenda Moshe Dayan a Zanîngeha Tel Aviv Ofra Bengio,

Rojnamevanên Hollandî Frederike Geerdink, Parlementerê ji Koma Keskan û Tifaqa Azad a Ewropa Bodil Ceballos, ji Koma Keskan a Bakur-Çepa Yekgirtî ya Ewropa Jurgen Klutte, ji Saziya think tank a Elman SWP, Gunder Seufert, parêzerê her sê jinên şoreşger ên li Parîsê hatin qetilkirin Antoine Comte,

Endamê American Enterprise Institute yê ji DYA, Michael Rubin ji koma Keskan a Bakur-Çepa Yekgirtî ya Ewropa Francis Wurtz,

Hevserokê Giştî ya HDP’ê Selahattîn Demîrtaş, Hevserokê PYD’ê Salih Mûslim, Parlamentera HDP’ê û endama Heyeta Îmrali Pervîn Buldan, Cîgirê Hevserokê HDP’ê Nazmî Gûr, nûnera Tevgera Jinan Gonûl Kaya, Serokê Saziya Kurd a KURD-AKAD Dersîm Dagdevîren, ji Zanîngeha Enqereyê Prof. Arzu Yilmaz, ji Zanîngeha Bogazîçî Abbas Valî, ji Zanîngeha Enqereyê Bahar Şîmşek,

Ji Tirkiyeyê rojnamevan Asli Aydintaşbaş, Rojnamevan Şîrîn Payzin, rojnamevan Hûseyîn Yayman û Osman Kaval.