Li Iraqê xwepêşandanên li dijî hikumetê li Bexda û bajarên din ên Iraqê berdewam dikin. Xwepêşandan ketine roja pêncem de û duh bi şev jî aloz derbaz bû.

Hate ragihandin ku doh bi şev hêzên ewlekariyê li Kerbelayê êriş birin ser xwepêşandêran. Li gorî agahiyan di destwerdanê de çek hatin bikaranîn û di encamê de 18 kesan jiyana xwe ji dest dan.

Şêniyên Bexda û Necefê jî doh bi şev li qadan bûn. Hêzên ewlekariyê li Bexda bi bombeyên gazê êrîşê xwepêşandêran kir û li Necef jî heman alozî çêbû.

Li gorî bîlançoya fermî ji 1'ê Cotmehê ve herî kêm 240 kesî jiyana xwe ji dest dan.