AMSTERDAM

Li paytexta Hollandayê, Amsterdamê ji aliyê Navenda Civakî ya Kurd Demokratîk bi tevlêbûna bi sedan kesan 15’ê Tebaxê hate pîrozkirin.

Ciya Wan piştî rêzgirtinê axivî û got, “Di şexsê Fermandar Egîd de dilsoziya bi şehîdan re, bi bicihanîna armancên wan em dikarin pêk bînin. Di serî de Kurd hemû gelên li herêmê ji bo jiyaneke azad û wekhev divê xwedî li vê têkoşînê derkevin.”

SIEGBÛRG

Li Elmanyayê Kurdistaniyên li Bonn, Troîsdorf, Sîegbûrg, Meckenheîm û Eûskîrchenê dijîn 15’ê Tebaxê pîroz kirin.

Çalakî bi rêzgirtinê dest pê kir. Hevserok, nûnerên PYD’ê û nûnerên saziyan li vê derê axivîn. Siyasetmedar Sînan Dersim li ser girîngiya 15’ê Tebaxê sekinî û banga yekîtiya neteweyî kir.

Piştî sînevîzyona Endamê Lijneya Rêveber ê PKK’ê Mûrat Karayilan a li ser 15’ê Tebaxê, gel pîrozbahî bi govendê domand.