Li  paytexta Parîsê li ber Parlementoya Fransayê îro çalakiya bi kon  a ku wê 5 rojan bidome tê dest pê kirin.

Çalakiya Kon bi pêşengtiya Navenda Civaka Kurd a Demokratîk ya Drancy ve di saet 10:00’an de dest pê kir. Di çalakiyê de pankart û dovîzên ‘Bijî berxwedana girtiyên polîtîk’ hate vekirin û di derbarê greva birçîbînê de jî belavok hate belav kirin.

Di çalakya Kon de Hevserokê Navenda Civaka Kurd a Demokratîk ya Drancy Elî Alci banga beşdariya xurt a çalakiya greva birçîbûnê kir û got: “Rewşa hevalên me yên ku di zindanên Tirkiyeyê de greva birçîbûnê de ne gihîştiye asteke kirîtîk,  em wek gelê Ewrûpayê û Fransayê , divê di her kêliyê de bêyî ku em demê winda bikin divê em di çalakiyan de bin. Divê em bibin wijdana berxwedana zindanan û em raya giştî ava bikin.”

Çalakiya Kon a ku li ber Parlementoya Fransayê bi dirûşmên “Bijî berxwedana zindanan” ve didome.
Her wiha Konseya Kurdên Demokratîk ê Fransayê (CDK-F)  û Tevgera Jinê ya Fransayê ji bo bibin dengê berxwedana zindanan û raya gişti ava bikin bernameyek xurt amade kirine.

PLANSAZIYA ÇALAKIYAN
Bernameya çalakiyên li Fransayê wiha ye:
“Îro wê di saet 19.00’an de li pêşiya avahiya Operayê a Meclîsa Huner  TEV-ÇAND a Parîsê çalakiyek were li dar xistin.
Îro wê di saet 19.00’an de bi pêşengtiya Navenda Civakî ya Kurdan a Demokratîk a Marsîlyayê ve wê meş û mîtîngek were li dar xistin.
Li Marsîlyayê di 11’ê Nîsanê roja Sêşemê çalakiya kon û greva birçîbûnê ya bidorveger.
Li Strasboûrgê li pêşiya avahiya CPT wê roja Pêncşemê çalakiyeke girseyî were li dar xistin. 
Di 15’ê Nîsanê de wê li Parîs, Rennes, Marsîlya û Draguînîanê meş û çalakiyên navendî were li dar xistin.