Li Ewropayê çalakiyên dijî tecrîda li ser Ocalan
Li Elmanya Berlîn û Hannoverê û li Parîs a Fransayê li dijî tecrîda li ser Rêberê Gelê Kurd Abdullah Ocalan çalakî hatin kirin.
Li Berlînê bi pêşengiya jinan û ciwanan gelek kes hatin cem hev û tecrîda li ser Ocalan şermezar kirin.
Saet 17.00’an meş li Wîttenbergplatzê dest pê kir, di meşê de tecrîd hate şermezarkirin, pankart û postêr hatin hilgirtin. Meş ji ber dêra dîrokî ya kavil dest pê kir û heta bi kolana Uhlandê berdewam kir.
Di meşê de dirûşmên ‘Bê Serok Jiyan nabe’, ‘Bijî Serok Apo’ û ‘Azadiya Serok azadiya Kurdistanê ye hatin berzkirin’’
Turîst û gelê Berlînê pêwendiyeke zêde nîşanî çalakvanan dan. Çalakî piştre bi dirûşman qediya.
PARÎS
Li banliyoya Corbeîl a Parîsê bi pêşengiya Meclîsa Ciwanan a Şehîd Zinar Raperîn bi mebesta ku tecrîda li ser Ocalan şermezar bikin çalakiyeke bêîtîatiya sivîl hate kirin.
Çalakî di nav çarçoweya kampanyaya Azad Bike de pêk hat, li ber Şaredariya Corbeîlê daxuyaniyeke çapemeniyê hate dayin. Piştî daxuyaniyê ciwan li kolana herî şên a Corbelîlê meşek kirin.
