Tora Akademîsyonên Kurd (Kurd-Akad) di 4’emîn Kongreya xwe ya Asayî de  diyar kir ku divê akademîsyenên kurd di vê pêvajoyê de peywirê xwe bînin cih.  Kongreya li bajarê Wuppertal a Almanyaye pêk hat, gelek endam tevli bûn. Serokê Kurd-Akadê Dêrsim Dagdevîren axivî û  bal kişand ser rola akademîsyenan a di vê pêvajoyê de û wiha got: “Kongreya me di pêvajoyeke  girîng de pêk tê.  Em akademîsyenên kurd divê di hişmendiya vê girîngiyê de bin û berpirsyariya ku dikeve ser milê me bînin cih. Ji ber vê jî divê em ji her demê wêdetir bi hestiyar tevbigerin.

Hîndekarê Zanîngeha Erfurtê Dr Lokman Turgut jî bi kurdî û zaravayên wê  axaftinek kir.  Turgut da zanîn ku kurdî di nava zimanên cîhanê yên ku herî zêde tê axaftin de cih digire.

DIVÊ KURD-AKAD ROLA XWE BILÎZE

Piştî axaftinan dîwana kongreyê hate hilbijartin.  Piştî ku faliyetên salane û raporên malî hatin xwendin, xebat hatin nirxandin.  Di kongreyê de ji ber Kurd-Akadê peywira xwe di sala borî de neaniye cih hat rexnekirin û hate gotin ku ji berk u di sala pêş de kêmasiyên bi vî rengî neyên jiyîn divê hedefên şênber bên diyar kirin.  der barê plansaziya xebata salekê de di kongreyê de gelek biryar hatin girtin û  rêveberiya nû jî hat hilbijartin. Rêveberî 4 jê jin bi giştî ji 7 kesan pêk dihat.

Kurd-Akad di 2009’an de  ji aliyê komeke xwendekarên nû ji zanîngehê mezun bibûn, li Dortumunda Almanyayê hat avakirin.