Der barê roja serdanê de agahî nehate dayin. Li gorî daxuyaniya Wezareta Karên Derve ya DYE'yê Sales wê bi hempîşeyên xwe yên Tirk re der barê mijarên; "vegerandina terorîstên biyanî li welatên wan û darizandina wan, ewlekariya sînor, astengkirina liv û tevgera terorîstan, têkoşîna li dijî Partiya Karkerên Kurdistan (PKK), têkoşîna li dijî fînansmana terorîzmê û hewldanên global ên ji bo têkbirina El Qaîde û DAÎŞ'ê."

Di daxuyaniyê de wekî din agahî nehatin dayin. Lê belê Sales dawiya meha Adarê ji servîsa Tirkî ya Dengê Emerîkayê VOA re axivîbû û gotibû, ew dixwazin di têkoşîna dijî DAÎŞ'ê de ji niha û pê ve bi Tirkiyeyê re hîn bêhtir hevkariyê bikin.