Desteya Rêveber a KNK’ê 1’ê Mijdarê Roja Kobanê ya Cîhanê pîroz kir.

Di daxuyaniyê de wiha hat gotin: “Kobanê ne tenê bajarek e, cihê ku tevahî mirovatî û nirxên mirovatiyê li hember dijminên mirovatiyê parastiye ye. Kobanê ne tenê bi berxwedana xwe; di heman demê de bûye sembol û pêşengê alternatîfa demokratîk a rizgarbûna ji krîza Rojhilata Navîn.”

Daxuyanî wiha didome:

‘BI BERXWEDANA ŞEHÎDAN A BI HEYBET VE LI HEMBER HOVÎTÎ Û DAGIRKERIYÊ BERSIV HATE DAYIN’

“Ev berxwedan li ser esasê berxwedana bi îrade, wêrektî û bi biryara asta jorî mirovan a fedaiyên xwe bi temamî fedayî gelê xwe û doze xwe kirine ve di nav şert û mercên zehmet û atmosferek a şer a bê tewazûn de, Kobanê dengê xwe gihandiye tevahî cîhanê. Ev bi saya berxwedana destanî ya mezin a şehîdan ve pêş ketiye. Ji ber vê jî em di 1’ê Mijdarê Roja Kobanê ya Cîhanê de ji ber keda wan a mezin tevahî şehîdên xwe yên leheng ji nû ve bi bîr tînin. Ev berxwedana mirovatiyê ya ku bi heybet meşandin li hember hovîtiyê û dagirkeriyê bû bersiva gelê me û hêzên demokrasiyê. Ev berxwedan li hember hovîtiya DAIŞ’ê bûye dengê azadî û demokrasîya mirovatiyê.”

JI BO HDP’Ê BANGA PIŞTGIRIYÊ

Di daxuyaniyê de ku li her çar parçeyê Kurdistan û derveyî welat gelên piştgiriyê dide Kobanê tê silavkirin de banga piştgiriya HDP’ê jî hat kirin.