Kongreya Civaka Demokratîk (KCD) darvekirina siyasetmedarê kurd Şerko Maarfî şermezar kir. KCD’ê da zanîn ku divê gelê kurd jî lidijî vê komkujiyê serhildan û berxwedanê derxîne asta herî jor.

KCD’ê der barê darvekirina siyasetmedarê kurd ya ku li girtîgeha Seqîz a Îranê vê sibê hat darvekirin de daxuyaniyek da û diyar kir ku ew komkujiyê şermezar dikin.

Di berdewamiya daxuyaniyê de hate destnîşan kirin ku  rejîma faşîzan ya Îranê ku dixwaza berxwedana Rojava û tevgera azadiya kurd asteng bike, polîtîkaya xwe ya darvekirinê didomîne û wiha hat gotin: “Qaşo rejîma îslamiye, îmahkirina gelê kurd bi darvekirinan hedef dike.”

EV ÎLANA ŞER E

KCD’ê da zanîn ku ev rêbaza darvekirinê qikirin û Îlana şer e û wiha got: “ligel hemû rêbazên tunekirinê, rêbaza darvekirinê qirkirin jî  îlana şerê li dijî kurde. Lê divê bê zanîn ku berxwedana gelê kurd dê hemû polîtîkayên înkar û îmhayê tune bike.

Rejîma faşîzan ya Îranê bi biryarên mêtînger a Lozan û Kasr Şîrînê pirsgirêka kurd girantir dike û divê bê zanîn ku ev hinceta rasthatina bertekên gelê kurd e.

KCD’ê wiha bang kir:Em bang li hemû gelê kurd dikin ku li dijî rejîma faşîzan a Îranê ku li dijî gelê kurd polîtîkaya Înkar û îmhayê dimeşîne, berxwedan û serhildanên xwe zêdetir bike.

Em ji malbatên Habîbullah Gulperîpur û Şerko Maarfî û gelê kurd re sersaxiyê dixwazin.