Mîsyona Çavdêriya Hilbijartinê ya OSCE ji aliyê Cîgira Seroka Koma HDP'ê Meral Daniş Beştaş, Parlamenterê Îzmîrê Ertûgrûl Kurkçu û Parlamenterê Mêrdînê Alî Atalan ve hate pêşwazîkirin.

Civîn duh (8'ê Gulanê) li Meclîsê pêk hat û saetekê dewam kir. Di civînê de ji heyetê re hate ragihandin ku di nava şert û mercên Rewşa Awarte de ewlekariya hilbijartinê nepêkan e û bi taybetî li herêmên bejahî yên nifûsa Kurdan lê zêde ye, mîna hilbijartinên beriya niha dibe ku zexteke giranb ê kirin.

Her wiha dîlgirtina namzetê HDP'ê yê Serokkomariyê Selahattîn Demîrtaş hate bibîrxistin û hate gotin ku ev yek wê zerarê bide meşrûiyeta hilbijartinê.