Li Parîsê ya ku paytexta Fransayê ye li semta Strasboûrg Saînt-Denîsê ya ku esnafên Kurd û Tirk lê hene, endamên Lijneya Rêveber a Navendî Besîme Konca û Çîlem Kuçukkeleş û endamê koordînasyona hilbijartinê ya HDP’ê Veysel Keser çûn serdana esnafan.

Di serdanan de peyama ‘Em ê bi hev re bi ser bikevin’hate dayîn. Endama Lijneya Rêveber a Navendî Besîme Konca got ku, “Divê Kurd, Tirk, çepgir û demokratên li Fransayê dijîn, şev û roj bixebitin û hemû kesan bibin ser sindoqan.”

Di serdanên esnafan de ji bo mîtînga di 2’ê Hezîranê de ya ku ew ê li Qada Bastîlleyê were kirin, banga tevlêbûnê hate kirin.