Nivîskarê rojnameya Ozgurlukçu Demokrasî Huseyîn Aykol di gotara xwe de cih da nameyeke li ser zextên li girtiyên li Girtîgeha Gebzeyê tên kirin û çalakiyên girtiyan.

Aykol di nivîsa xwe de ev agahî ragihand:

"Agahiyên ji Girtîgeha Girtî ya Jinan a Gebzeyê: Girtiyên jin ên ji doza PKK û PAJK'ê yên li Girtîgeha Girtî ya Jinan a Gebzeyê, heta ku agahiyê ji Ocalan bigirin dest bi çalakiyan kirine. Ji 5'ê Kanûna 2017'an û pê ve bi komên ji pênc kesan dest bi greva birçîbûnê ya bi pênc rojan dorveger kirin. Nivîs ji CPT, Dozgeriya Bûrsayê, Wezareta Edaletê û Konseya Ewropayre nivîsandin û wê timî binivîsînin. Wekî din, berxwedana li Tarsûs-Erzîromê dewam dike, silav dikin.

Ji bo têkoşîna Zehra Eplî neyê jibîrkirin, ku li Girtîgeha Jinan a Gebzeyê roja 7'ê Mijdara 2016'an tecrîda li ser Ocalan şermezar kir, karê nivîsandina pirtûkê hatiye destpêkirin. Kesên ku wê nas dikin dikarin agahî û bîranînên xwe yên pê re bişînin vê adresê: Hediye Yayık / Kadın Kapalı Cezaevi / Gebze – KOCAELİ

Elîf Akkûrt û Fadik Adiyaman ên li Girtîgeha Girtî ya Jinan a Gebzeyê ne, roja 25'ê Kanûna 2017'an bi lez û bez ber bi Girtîgeha Girtî ya Jinan a Sîncanê ve hatin sirgûnkirin."