Girtiyên di girtîgehan de ji bo tecrîda li ser Rêberê Gelê Kurd Abdullah Ocalan bi dawî bibin, zextên li ser girtiyên siyasî û girtîgehan bi dawî bibin û ji bo dorpêça li ser gundên li Kurdistanê were rakirin dest bi grevên birçîbûnê yê bêdem û bêdorveger kirin. Girtiyên ku li Girtîgeha Amedê Ya Tîpa D ji bo ku piştgirî bidin grevên birçîbûnê, dest bi grevên dorveger kirin. Girtiyên siyasî yên ku ketine grevên birçîbûnê, têne sirgûnkirin.

Li gorî agahiyên girtiyên li Girtîgeha Tîpa D a Amedê bi rêya parêzer û malbatan ragihandiN, li gelek girtîgehên Kurdistan û Tirkiyeyê girtiyên ku dest bi greva birçîbûnê kirine, têne sirgûnkirin.

Di rojên derbasbûyî de piştî sirgûnkirinên li Girtîgeha Tekirdagê, di 3'ê Nîsanê de Caner Sermet, Şaban Alkan , Aydîn Îcûz, Belyan Bozyigit, Fatîh Nehîr, Huseyîn Aras û Cîhan Kaynar ji bo şermezarkirina sirgûnkirina 7 girtiyan ji bo Girtîgeha Tîpa F a Kandira yê, girtiyan bi dirûşmeyên 'sirgûnkirin me naşkêne' gotibûn û piştre bi lêdana deriyan deng derxistibûn û şermezar kiribûn û 2 rojan xwarin ne girtin. Piştî sirgûnkirinê, 6 girtiyên din dest bi greva birçîbûnê ya dorvegr kirin û girtiyan diyarkirin ku wê heta dawiyê çalakiya xwe bi domîn.