Serokkomarê Tirkiyeyê Recep Tayyîp Erdogan, di serdana xwe ya paytexta Fransa Parîsê de daxuyaniyên dijbertiya li hember Kobanê da.

Erdogan ê ji aliyê Serokkomarê Fransa Françoîs Hollande ve li Qesra  Elysee hat qebûlkirin, di civîna çapemeniya ya piştî hevdîtinê de aciziya xwe ya der barê êrîşên hewayî ên li Kobanê li hember çeteyên DAIŞ anî ziman.

Erdogan, berteka ku tenê bombardûman li derdora Kobanê tê kirin nîşan da.

Erdogan da xuyakirin ku ji bo Tirkiye tevlî koalîsyonê bibin, 3 şertên wan hene û eger ev şertên wan bên cih “wê her tiştên ku hêzên koalîsyonê dikin, bikin”.

Hollande jî got,  "Birêz Erdogan mafdar e. Tenê Kobanê nîne. Hin bajarên din jî di bin tehdîda DAIŞ de ne.”