Dadgehkirina Hevserokê Giştî yê HDP’ê yê berê Selahattîn Demîrtaş ku ji doza xwe ya sereke negirtî tê darizandin di roja sêyemîn de li 19’emîn Dadgeha Sizaya Giran a Enqereyê ku li Kampûsa Girtîgeha Sîncanê dihat dîtin bi dawî bû. Demîrtaş ê li Girtîgeha Tîpa F a Edîrneyê tê ragirtin bi hênceta pirsgirêkên wî yên tenduristiyê tevlî danişîna di roja sêyemîn de nebû. 
 
Parêzer û heyeta ji siyasetmedaran pêk dihat doz şopandin. 
 
Parêzerên Demîrtaş mafê axaftinê wergirtin û parastina miwekîlê xwe kirin. Heyeta dadgehê piştî parastin û daxwazên parêzeran navber da danişînê û paşê doz taloqî 27-28’ê Gulanê kir. 
 
Her wiha heyeta dadgehê xwest belge û ewraqên têkildarî lêpirsîn û girtina Demîrtaş radestî wan bê kirin.