Hat ragihandin, ku xebatên çêkirina Bendava Ilisû (Germav) ya li navçeya Mêrdîn Kerboranê berî 5 mehan hatibûn rawestandin, wê ji nû ve destpê bikin. Li gorî agahiyan, xebata çêkirina bendavê jî wê ji niha û pê ve ji aliyê yekîneyên leşkerî ve were parastin.

Ji Bendava Ilisû û projeya HES'ê ya di navbera navçeya Mêrdîn Kerboranê û navçeya Şirnex Basayê ev 5 meh in xebatên çêkirina wê hatine rawestandin, ji nû ve tên çêkirin. Hat ragihandin ku xebatên çêkirinê wê di nava vê hefteyê de destpê bikin û malzemeyên pêwîst ev hefteyeke di rêya Kerboranê ya navbera Mîdyad-Germavê de bi TIR û qemyonan ji aliyê maşînên zirxî ve hatine anîn.

Karê çêkirina Bendava Ilisû ku heta niha ji aliyê personelên ewlekariyê yên normal ve dihat parastin, li gorî agahiyan wê ji niha û pê ve ji aliyê leşkeran ve bê parastin.