Li bajarê Helebê 20 ciwan piştî perwerdeya leşkerî ya bingehîn tevlî nava refên YPG’ê bûn.

Ciwanên ku 6 ji wan jin in û biryara tevlîbûna YPG’ê dan, li Şaxa Şêxmeqsud a Akademiya Leşkerî ya Şehîd Xebat di perwerdeya bingehîn a leşkeriyê re hatin derbaskirin. Di dewreya ku bi navê Dilşêr Welat hate dayîn û mehekê dom kir de, li ser rêziknameya YPG/YPJ, parastina rewa, dîroka Kurdistanê û mijarên leşkerî ders hatin dayîn.

Piştî bidawîbûna perwerdeyê merasîma dayîna bawernameyan hate lidarxistin. Di merasîma leşkerî şervanên nû sûnd xwarin û bawernameyên xwe girtin. Piştre Endamê Meclîsa Leşkerî ya Helebê ya YPG’ê Brusk Hesekê axivî û li ser girîngiya perwerdeyê û rola şervanên YPG’ê ya di diyarkirina qedera Rojava de rawestiya. Brûsk Hesekê bang li hemû ciwanan kirin ku tevlî YPG’ê bibin û cihê xwe di xeta parastinê de bigirin.

Merasîm bi dirûşmeyên wekî, “Bijî Serok Apo”, “Bijî berxwedana YPG” bi dawî bû.