Hevşaredarê Colemêrgê Cîhan Karaman di 15'ê Cotmeha 2019'an de bi operasyona qirkirina siyasî hatibû destgîrkirin û piştî 2 rojan hate girtin û wezîfeya wî jî hate desteserkirin. Li dijî Karaman bi îdîaya "endametiya rêxistinê" doz hate vekirin û rûniştina destpêkê pêk hat. Karaman bi rêya sîstema deng û dîmen ji Girtîgeha Tîpa T a Xarpêtê tevlî rûniştina li 2'emîn Dadgeha Cezayê Giran a Colemêrgê bû. Parlamenterê HDP'ê Saît Deded û gelek endamên partiyê doz şopandin.

Karaman diyar kir ku rast e ew tevlî merasîma cenazeyên "endamê rêxistinê" bûye û got, "Merasîma ku ez tevlî bûm ya cenazeyê kurê min bû."

Heyeta dadgehê biryar da ku Hevşaredarê Colemêrgê Cîhan Karaman girtî bimîne.

Rûniştina dozê jî ji 24'ê Nîsanê re taloq kir.