Li Çewlikê, li pêşiya avahiya HDP'ê ya bajêr bi çalakiya rûniştinê êrişên qirkirina siyasî hatin şermezarkirin.

Hevserokê Rêxistina Rêxistina HDP'ê ya Çewlikê Veysî Kaya operasyona qirkirina siyasî şermezar kir û got, "Operasyonên pûç nikarin me ji doza me vegerînin. Wê ev yek bêhtir me bi hêz bike. Li dijî rêveber û wekîlên me yên berê ku hatine destgîrkirin êşkenceyê dikin. Divê demildest dest ji vê nêzîkatiyê berdin. HDP gel e, nayê bêdengkirin."

Li Mersînê jî serê sibehê polîsan avêtibû ser malan û Hevseroka HDP'ê ya Bajêr Gulbahar Şofer û endamê Meclîsa Partiyê Bariş Karabiyik destgîr kiribûn.

Rêxistina HDP'ê ya Bajêr li ber avhaiya bajêr destgîrkirina Şofer û Karabiyik şermezar kir.

 Li ser navê girseya ku li hev kom bûbû Cîgirê Hevserokê HDP’ê Ercan Alp axivî. Alp, operasyonên li dijî partiya xwe bi bîr xist û diyar kir ku wê paşeroj, edalet, wekhevî û demokrasiya welat radestî AKP’ê nekin û ev tişt got: "Heke tişta hevseroka me kiribe sûc be, me jî heman sûcî kiriye."

Daxuyanî bi çalakiya rûniştinê bi dawî bû.