Nobeda Demokrasiyê ya li dijî desteserkirina şaredariya Amedê di roja 40’î de dewam dike. Parlementerên Partiya Demokratîk a Gelan (HDP) hevşaredarê Amedê yên ji erkê hatibûn girtin Selçûk Mizrakli, Meclîsa Ciwana a HDP’ê, Endamên Meclîsa Jinên Ciwan, Aktivîstên TJA, Dayikên Aştiyê û gelek kest tevlî nobeda li ser Rêya Lîse a li pêşberî şaredariyê bûn. Nobeda Demokrasiyê ya bi dirûşim, çepik û tilîliyan destpê kir, endamên Platfroma Ked û Demokrasiyê ya Antalya jî piştgirî kir.

CEYLAN: BERXWEDAN HETA DAWÎ WÊ BIDOME

Hevserokê HDP’ê Zeyyat Ceyla ê di daxuyaniya çapmeneiyê de axivî diyar kir ku qeyûm tê wateya derbeya li dijî demokrasiyê, li dijî qeyûman piştgiriyeke mezin tê dayîna HDP’ê. Ceylan got: “Berxwedana me wê heta dawî bidome. Heta vê hişmendiyê bişînin em ê li qadan bin.”

PLATFORMA KED Û DEMOKRASIYÊ: EM Ê BI HEV RE TÊBIKOŞIN

Li ser navê Platforma Ked û Demokrasiyê ya Antalya Kadîr Ozturk jî piştgiriya xwe ya ji bo HDP’ê anî ziman û diyar kir ku wê qeyûman bişînin. Ozturk got: “Em bêhiqûqiya desthilatê ya bi qeyûman şermezar dikin. Divê hemû gelên li gel aştî û demokrasiyê cih digirin li vî welatî bi hev re têbikoşin û qeyman têk bibin. Gel bi xwe vîna xwe diyar kir. Heta dawî li gel vê têkoşînê ne. Em ê bi hev re têbikoşin.

Hevşaredara Erxanî Ahmet Kaya jî got: “Soza me bi dawî nebûye. Em bi maf in, soza gelê me ti car bi dawî nabe.”

GERGERLÎOGLÛ: GEL SERÎ NATEWÎNE

Parlementerê HDP’ê yê Kocaeliyê Omer Farûk Gergerlîoglû jî diyar kir ku gel 40 roj in li bajar li diî bêhiqûqî û bê mafiyê li ber xwe didin û got: “Amed, Wan û Mêrdîn serî li ber desteserkirinê natewîne. Em bi gelê Kurd re, bi heq û hiqûqê têkoşînê dikin.Em li gel gelê xwe ne. Em dizain wê ev berxwedan bigihêje serketinê. Bi teqez wê qeyûm biçin û gel bibe desthilat.”

MIZRAKLI: LI DIJÎ QEYÛMAN EM LI SER PIYAN IN

Hevşaredarê ji erkê hatî girtin Selçûk Mizrakli jî bibîr xist ku nobeda li dijî qeyûman hatî destpêkirin 40 roj li pey xwe hişt û got: “Ne 40 roj, 40 meh jî bidome, em ê li dijî vê qeyûman serhildana me wê her bidome. Yên derbe kirine, dixwawzin qadên rewa ji bo xwe çêbikin. 19’ê Tîrmehê darbeyek nû kirin. Hiqûq qetilkirin.”