KCDK-E bangî meşa ji bo azadiya Rêberê Gelê Kurd Abdullah Ocalan kir a ku ew ê li Ewrûpa, Kanada, Avûstralya , Japonya û li gelek navendan were lidarxistin.

 

HPG'ê li ser çalakiyên gerîla yên li Colemêrgê agahî da û diyar kir ku herî kêm 3 leşkerên Tirk hatine kuştin.

 

Ji Girtîgeha Tîpa E'yê ya Amedê 5 jê nexweş, 20 girtiyên jin sirgûnî Girtîgeha Jinê ya Tîpa T a Tarsûsê kirin.

 

Girtiyên ji doza PKK'ê yên li Girtîgeha Tîpa T a Duzceyê êşkence li wan tê kirin, eşkere bû ku hem hatine sirgûnkirin hem jî heta 50 rojî cezayên hucreyê li wan hatine birîn.

 

Navenda Çapemeniyê ya QSD’ê bîlançoya 24 saetên dawîn a Pêngava Bagera Cizîrê de eşkere kir. QSD’ê diyar kir ku wan li Hecînê derbên giran li çeteyên DAÎŞ’ê dane.

 

Rojnamevan Huseyîn Aykol, Înan Kizilkaya û Îhsan Çaralan ên li nava medya Kurd dixebitin, ji aliyê dadgeriya Tirk ve hatin cezakirin.

 

Walîtiya Tirk a li Wanê û Rêxistina AKP'ê ya Bajêr amadekariyan dike ku rewşa îdarî ya Wanê biguherînin. Armanc ji vê yekê ew e ku navçeyên Rêya Armûşê û Artemêtanê parçe bike û di hilbijartinê de bi ser bikeve.