Malbatên 34 welatiyên ku di encama bomberdûmana balafirên şer ên artêşa Tirk a dagirker a li gundê Roboskî yê navçeya Qilaban a Şirnexê de hatibûn qetilkirin di hefteya 344’an de dîsa li ser gorên zarokên xwe hatin ba hev. Li ser navê malbatên ku wêneyên xizmên xwe hildabûn Dîlek Encû daxuyanî da.

Encû bibîr xist ku heta berpirsên qetlîamê hesab bidin wê dev ji lêgerîna xwe ya edaletê bernedin û got: “Çerx jî li ser qetlîamê re jî bidome, wê her roj têkoşîna me bidome û em nadin jibîrkirin.”

Encû diyar kir ku di vê pêvajoya ku daxwaza edaletê dikin de, her tim zext û çewisandin li ser hatine kirin.

Encû got: “Biryardariya me ya edaletê radestî tarîtiyê hate kirin” wiha pêde çû: “Tevî vê jî em ê bi hemû biryardariyê têkoşîna xwe bidomînin. Ji bo edaletê em tim qîr bikin.”