Kurdên ku li Mala Kurda ya li Moskovayê hatin ba hev, komploya 15’ê Sibatê şermezar kirin.

Li komeleyê civînek hat lidarxistin. Civîn bi temaşekirina sînevîzyonek a têkildaî komployê, destpê kir. Hevseroka Organîzasyona Jinên Kurd a Navneteweyî Cûliyeta Aram di civînê de axivî. Aram qala rola Abdullah Ocalan a jinûve zindîkirina gelê Kurd kir û anî ziman ku projeya konfederalîzma demokratîk ji bo mirovahiyê rêya rizgarbûnê ye.

Aram diyar kir ku azadiya gelê Kurd bi azadiy Abdullah Ocalan ve girêdayî ye û got ku hingî ku tevgera azadiya Kurd a bi pêşengiya PKK’ê hebe, têkoşîna gelê Kurd wê bidome.

Aram wiha got: “Hêzên komploger ên navneteweyî bi dîlgirtina Rêberê Gelê Kurd Abdullah Ocalan û bi radestkirina dewleta Tirk, plan kiribûn ku Tevgera Azadiya Kurd tune bikin, lê Rêberê Gelê Kurd ev yek pêşbînî kir û hemû planên wan pûç kirin.”

Aram destnîşan kir ku heta mîsogerkirina azadiya Rêberê Gelê Kurd, wê ev têkoşîn hîn xurtir bibe û bidome.