Li navçeya Nisêbîn a Mêrdînê, di dema qedexeya derketina devre ya 14'ê Adara 2016'an hate îlankirin û piştî wê de, 6 tax ji aliyê hêzên dewletê ve hatin hilweşandin. Li 4 taxan înşata TOKÎ hat destpêkirin û li taxên Zeynel Abîdîn û Kişlayê hîna tiştek nehatiye kirin. Dewleta ku şer kir hincet, dest danî ser taxan û niha jî xaniyên gel ji rantê re vedike.

Herêma ku tenê kepçe dikarin bikevinê, piranî kes ji ser têlan dikevin taxê û xaniyên xwe kontrol dikin. Piştî hilweşîna bi mehan dewam kir TOKÎ jî her diçin mezin dibin.  Wezaretê piştî TOKÎ'yan ji gel ji bo erseyan îmze xwest û soz didin ku jibo erseyan xaniyê TOKÎ'yê didin. Gelê ku vê qebûl nake jî li ber xwe dide.

Xebatên binesaziya Navenda Kirîn û Firotinê (AVM) a ku ji aliyê şîrketek taybet ve tê çêkirin jî hema hema li ber qedandinê ye. Gelê Nisêbînê da zanîn ku ew AVM'ê naxwazin û bi lêv kir ku bi vê armanc dikin ku esnafên biçûk biqedînin. Gel wiha got: "Em naxwazin lê ew çêdikin.  Armanc ev e ku me girêdayê tiştên biha û biyanî bikin. Em naxwazin çêbikin. Çêbikin jî wê kes neçe. Nekarin bi tiştên wisa çavên me têr bikin."