Li gorî malpera 'Dengê Girtiyên Kurd û Îranî', hêzên dewleta Îranê roja 23ê Hezîranê welatiyê Kurd Fuad Elîxanî yê 41 salî li Girtîgeha Kirmaşanê yê Rojhilatê Kurdistanê bi êşkenceyê qetil kir.
Fuad Elîxanî bêyî were darizandin ji hêla hêzên îstîxbaratê ve hatibû girtin û bêyî hincetê nîşan bidin ji malbata wî re gotin ku "miriye". Heman çavkanî ragihand ku hîn jî cenaze radestî malbatê nekirine.
Di demên dawî de li Îran û Rojhilatê Kurdistanê hejmara binçavkirinên bê daraz û êşkenceya di binçavan de zêde bûne.
