Bi sedan welatiyên Kantona Kobanê cenazeyên şervanên QSD'ê Bozan Şêx Mihemed (Zinar Kobanê), Ferhad Sêwî (Birûsk Kobanê), Feysel Kurdiş (Arkêş Amed) û Ehmed Husên (Mezlum Kobanê) ên ku demên cuda de, di Pêngava Xezeba Firatê de jiyana xwe ji dest dabûn, ji nexweşxaneya Şehîd Zozan wergritin û ber bi Goristana Şehîd Dicle ve ketin rê. Li goristanê bi deqeyek rêzgirtin merasîmeke leşkerî hate lidarxisin. Piştre jî Fermandarê Yekîneyên Parastina Gel (YPG) Dildar Rojava, Hevserokê Meclîsa Malbatên Şehîdan a kantona Kobanê Arif Balî axivîn û sersaxî ji malbatên cangoriyên azadiyê re xwestin û soza şopandina rêya şehîdan dan.

Endama Meclîsa Malbatên Şehîdan Ronahî Ehmed nasnameyên şervanan xwend û radestî malbatên wan kir.

Di dawiya merasîmê de girseya gel bi dirûşim û tilîliyan cenazeyên her 4 şervanan veşartin.