Polîtîkayên qeyûman ên li dijî jinê dewam dikin. Cemîl Ozturk, ku hefteya bihurî weke qeyûm li şûna qeyûmê li navçeya Rêya Armûşê ya Wanê bi cih bû, weke karê destpêkê, Midûriyeta Jinê ya Şaredariyê girt.
Qeyûmên li Şaredariyên Wanê hatine bicihkirin, êrîşî stargehên jinan, saziyên jinan û hemû yekîneyên jinan ên şaredariyê dikin.
Piştî ku Serokatiya Daîreya Polîtîkaya Jinê ji aliyê qeyûmê li Şaredariya Bajarê Mezin hate girtin, vê carê jî qeyûmê nû Cemîl Ozturk ê li Şaredariya Rêya Armûşê, Midûriyeta Xizmetên Jinan girt.
