Ji çar parçeyên Kurdistanê çalakger di greva birçîbûnê de ne
Grevên birçîbûnê yên bi pêşengiya Hevseroka KCD’ê Leyla Guven ên bi armanca protesto kirina tecrîda girankirî ya li ser Rêberê Gelê Kurd Abdullah Ocalan didomin.
Greva birçîbûnê ya bêdawî-bidorveger a li bajarê Silêmanî yê Başûrê Kurdsitanê di roja 88’an de didome. Îro koma 45’an ku ji çar parçeyên Kurdistanê çalakger hene, greva birçîbûnê dewr girtin.
Greva birçîbûnê ya bi pêşengiya Komeleya Karkerên Mezopotamya ya ji bo şikandina tecrîda girankirî ya li ser Rêberê Gelê Kurd Abdullah Ocalan a li Silêmaniyê ji aliyê koma 45’an ve hate dewr girtin. Di koma nû ya çalakiyê de ji çar parçeyên Kurdistanê çalakger cih digrin.
