Tevî êrîş û dorpêça hêzên dewletaTirk a li ser gunên Xerabê Bava, Talatê yên girêdayî navçeya Nisêbîn a Mêrdînê dibome, nobeda heyeta HDP’ê û DBP’ê ya li dijî dorpêç û êrîşan jî dewam dike. Di nava ji heeta hevparên HDK’ê yên ku ji bo piştgiriyê bidin berxwedana nobedê hatin gundê Hatxe nûnerên ESP û SYLP’ê Hehemet Yucel, Mûkaddes Erdogdu Çelîk û Eyup Karatekîn jî hebûn, diyarkirin ku wê heta dawiyê piştgiriyê bidin berxwedanê.

ÇEKÎK: ÊDÎ TEHMÛLA DEWLETÊ JI BO JIYÎNA KURDAN JÎ NEMAYE!

Damezrênera ESP’ê Mûkaddes Erdogdû Çelîk::

“Ji beriya niha ji ber rewşên cuda cuda hatime Kurdistanê. Ez bûme şahidê zilm û serkeftinê jî. Hestên şoreşê, kêfxweşî û jiyîna wê gelek girîng e. Tevî ku Komra Tirkiyeyê serkeftina xwe ya sedemîn dijî jî, lê hê jî zilmê li gelê Kurd ê ku xwedî nifûsekî mezin dike.

Dewletê êdî tehmûla gundiyên li ser gundê xwe dijîn nake. Em rû bi rû yê dewletekî wisa ne ku naskirina nasnameyê bide aliyekê, tehmûla wê ji jiyîna gelê Kurd re nîne.

Ev rewşekî bi wehşete û rewşekî dij mirovahiyê ye! komek mirovên li vir ev bi rojan e li dijî artêşa dewleta Tirk li gel welatiyê ji bo piştgiriyê ji Stenbol hatine li ber xwe didin. Li pêşberî artêşekê li vir şer nakin. Yên ku welat bi rê ve dibin dizani dawiya vî şerî nîne. Li vir gelek sûcên şer hatin kirin. Wê dawiya hemû êrîş û zextan gelê Kurd bi ser bikeve.”

YUCEL: AKP QETLÎAMÊN XWE DEWAM DIKE

Endamê SYKP’ê Mehmet Yucel:

“Êrîş û şideta li vir ne nû ye. Li ser vê erdnîgariyê gelek qetlîam pêk hatine, ji dîrokê ve li ser gelê Kurd gelek qetlîam hatine kirin. Qetlîama Dersim, Agirî, Koçgirî em van dizanin. Em zêde neçin dûr jî, piştî ‘Pêvajoya Çorûmê’ û şûnde, hikûmeta AKP’ê li Sûr, Cizîr û Nisêbînê û li gelek cihan qetlîam kirin. Li ser vê erdnîgariyê jîngehên milyonekî mirov hatin hilweşadin û kavilkirin. Em jî weke Sosyalîstên li Tirkiyeyê piştgiriya Kurdan dikin, niha jî ji bo vê piştgiriyê bidin nîşandan li vir in. Em ê her demê li dijî van qetlîaman derkevin û li gel gelê Kurd cih bigirin û pêşiya van qetlîaman bigirin. Em hovîtiya li vir tê kirin dizanin û em ê li cih li gel gelê Kurd bigirin.”

KARATEKÎN: YÊ SERBIKEVE WÊ GELÊ KURDISTANÊ BE

Endamê Meclîsa Partiya ESP'ê Eyup Karatekîn;

"Îro Kurdistan carek din di rewşa dagirkeriyê deye. Îro îradeya 6 mîlyon gel parlamenter ji aliyê dewleta Tirk a faşîst ve hatine girtin. Dagirkeriya dewleta Tirk ne nû ye. Berxwedana gelê Kurdistan ya li dijî mêtîngeriyê her car serketiye û mêtîngeriyê winda kiriye. Dewleta Tirk herî dawî li Sûr û Nisêbinê binketiye. Niha li vir dixwazin Cizîreke din bidin nû kirin. Dagirkirina vî gundî û êşkencekirina mirovan wahşeta mêtîngeriyê nîşan dide.

Ev kiryarên wan ji tirsa wan tê. Ev hewldanên wan yên dawî ne, dîrokê ji qehremantiya berxwedana gelê Kurd re şahidî kiriye. Gelê Kurd wê vê carê jî berxwe bide û hêzên qetlîam ciyan bin bêxe.

Tenê rêyek ya derketina ji vê pêvajoyê heye, ew jî hevdîtina bi Birêz Ocalan re û destpêkirina pêvajoya mûzakeryane. Serketin wê bi teqez ya gelê Kurdistanê be."