Nobeta Demokrasiyê di roja 43’an de domiya. Parlementera HDP’ê Pero Dundar diyar kir ku nerazîbûna li hemberî qeyyûm, prensîba demokrasiyê ye û got ku “Em ê dev ji mafên xwe û destkeftiyên xwe yên hevserokatiyê bernedin.”

Nobeta Demokrasiyê li pêşiya avahiya bajêr a HDP’ê hate lidarxistin. Beriya çalakiyê polîsan dora avahiyê girtin.

Di çalakiyê de parlementera HDP’ê Pero Dundar axivî û got ku “Li vê derê êrîşî gelê Kurd û mafên wan tê kirin. Heta ku ev zilm bidome em ê li qadan bin. Gelê Kurd dikare pêşiya van êrîşan bigire. A niha bi tenê em mûxalefetê dikin. Heke îro li qadan em heta dawiyê li ber xwe bidin wê derdorên demokratîk ên li Tirkiyeyê jî li me binihêrin û li ser pêyan bimînin. Heta ku ev zext bi dawî bibin em ê li vir têbikoşin. Em li vir in.

Her roj bombe tê barandin. Pereyê van bombeyan ji bêrîka me derdikeve. Yên ku me nas nakin em ê jî wan nas nekin. Em ê dev ji mafên xwe û destkeftiyên xwe yên hevserokatiyê bernedin.”