Gilînameya li dijî Hevseroka Giştî ya Partiya Herêman a Demokratîk (DBP) Sebahat Tûncel, piştî 7 mehan hate amadekirin. Di gilînameya ji 177 rûpelî de, bi 115 rûpelan qala dîroka PKK'ê hatiye kirin. Di beşa mayî de jî hewl tê dayîn daxuyanî û xebatên Tûncel ên li nava HDP'ê bê krîmînalîzekirin.

Di 115 rûpelên gilînameyê de qala damerandina PKK'ê, xebatên PKK'ê yên beriya damezrandinê, kongre û konferansên piştî damezrandinê, biryarên hatine girtin, çalakiyên li Dihê û Şemzînanê, xebatên navbera salên 1999-2000'î, derketina ji Sûriyeyê û dîlgirtina lîderê PKK'ê Abdullah Ocalan, xebatên navbera salên 2000-2007, pêvajoya derbasbûna KADEK'ê, baskên çekdarî yên PKK'ê HPG, YJA Star û Kongra Gel, PJAK, PÇDK, YPD, TECAK û KCK tê kirin.

Piştî vê agahiya li ser dîrokê, dozgerê Tirk, çûn û hatina Tûncel di navbera salên 2012-2013'an a li Navenda KCD'ê, derbasbûna navê Tûncel weke endama KCD'ê li civînên KCD'ê yên navbera salên 2011-2014'an, daxuyaniya çapemeniyê ya li ser Civata Giştî ya KCD'ê, fermannameyên ji bo endamên KCD'ê hatine şandin û pêşnûmeya rêziknameya KCD'ê weke 'sûc' nîşan dide.

Rûniştina duyemîn a doza li dijî Tûncel, wê di meha Hezîranê de li Meletiyê dewam bike.