Li Helebê di çarçoveya pêngava “Dem Dema Azadiyê ye“ çalakiya konvedanê di pêşengtiya Kongreya Star û Meclîsa Giştî ya Helebê ve li taxa Şêxmeqûd li ber Komîna Şehî Destîna, hate destpêkirin. Di roja yekemîn ya çalakiyê de endamên komîn, Komîteya Perwerdehiya Civaka Demokratîk, Meclîsa Navbeynkar, tevger û saziyên civaka sivîl û hêzên Asayîşê amade bûn.

Di çalakiyê de Endamê Komîteya Ji Rêber Ocalan re azadî, Amîne Xedro, Endamê Komîna Şehîd Destîna Ednan Mamo, Hevseroka Komîteya Perwerdehiya Civaka Demokratîk a Helebê Fatme Koşan axivîn û anîn ziman ku Rêber Abdullah Ocalan ji bo gelan hêvî ye û banga azadiya fîzîkî ya Rêberê Gelê Kurd Abdullah Ocalan kirin.

Hêjayî bibîrxistinê ye ku Koma Civakên Kurdistanê (KCK) di 10'ê Îlona 2020'an de pêngava "Dem dema Azadiyê ye" ragihandî bû.