Artêşa Tirk li Tendûrekê têk çû!
Artêşa Tirk li Tendûrekê operasyon da destpêkirin lê belê rastî bersiva tund a gerîlayan hat. Li gorî agahiyên destpêkê 4 leşkerên Tirk û cerdevanek hatin kuştin.
Artêşa Tirk li Tendûrekê operasyon da destpêkirin lê belê rastî bersiva tund a gerîlayan hat. Li gorî agahiyên destpêkê 4 leşkerên Tirk û cerdevanek hatin kuştin.
Operasyona ku artêşa Tirk li çiyayê Tendûrekê yê li navbera navçeya Bazîd a Agirî û Ebax a Wanê daye destpêkirin didome. Piştî operasyona ku bi tevlîbûna cerdevanan hat destpêkirin şerê dijwar derket. Li gorî agahiyên destpêkê, 4 leşkerên Tirk û cerdevanek hatin kuştin. Herî kêm 6 leşker jî birîndar bûn.
Lê belê çavkaniyên herêmî dibêjin hejmara kuştî û birîndarên artêşa Tirk zêdetir in.
Derbarê hejmara kuştî û birîndarên artêşa Tirk de agahiyên zelal nehatin bi destxistin, lê belê şerê ku doh sibehê destpekir didome.
ŞEMZÎNAN
Nûçeyek şer jî ji Şemzînanê hat. Li Navçeya Colemêrg Şemzînanê şer derket û leşkerekî Tirk hat kuştin.
HPG’ê heta niha derbarê şer û operasyonên li van herêman daxuyanî nedaye.