Şehîdê Şêladizê Hisên Rêkanî li ser gora xwe hate bîranîn

Îro bi minasebeta 2. salvegera serhildana Şêladizê ji bo şehîd Hisên Rêkanî merasîmek bîranînê hate lidarxistin.

Welatiyên Şêladizê 26’ê Çile 2019’an piştî bombebaranên dewleta Tirk a li ser xaka Başûr ku di encamê de 4 welatî şehîd bûbûn rabûn serhildanê.

Welatiyên Şêladizê li hemberî baregehên leşkerî yên dewleta Tirk a dagirker xwepêşandan kirin û gelek wesayît û cihên leşkeran dan ber agir.

Dewleta Tirk bi hevkariya PDK’ê gule li welatiyên sivîl reşandin û di encamê de welatiyê bi navê Hisên Rêkanî şehîd û bi dehan welatî jî birîndar bûbûn.

Welatiyên Şêladizê îro di 2. salvegera serhildana Şêladizê, bi merasîmekê şehîdê serhildana Şêladizê bi bîranîn. Welatiyan soza xwe ya ji bo vî şehîdî dubarekirin û çelengek danîn ser gora wî.