Li navçeya Nisêbîn a Mêrdînê ku êrîşên tevkujiyê didome, hêzên dewletê dîsa can girtin. Li taxa Abdulkadîrpaşa ya navçeyê, polîsan ji wesayîtên zirxî jina bi navê Dilşah Ak (45) û keça wê ya 10 salî gulebaran kir. Di gulebaranê de Ak û keça wê birîndar bûn. Li gel komên tenduristiyê yên hatin cihê bûyerê mudaxale kir jî, Dilşah Ak jiyana xwe ji dest da. Keça wê ya 10 salî ku ji piyê xwe birîndar bû rakirin Nexweşxaneya Dewletê ya Nisêbînê.