Endamên Meclîsa Dayikên Aştiyê yên ku ji gelek bajarên Kurdistanê hatin Amedê ji bo Rêberê Gelê Kurd Abdullah Ocalan ê piştî hewldana darbeyê jê agahî nayê girtin çalakî dan dastpêkirin. Parka ku wê nobet bê girtin ji aliyê polîsan ve hat dorpêçkirin û polîsan bi gefan dayik asteng kirin.

Endamên Meclîsa Dayikên Aştiyê yên ji bo kampanyaya "Ez xwedî li Rêberê xwe axa xwe û azadiyê derdikevim" a bi pêşengiya KJA'yê hatiye destpêkirin, ji Amed, Sêrt, Êlih, Dîlok û Rihayê hatin Sumerparka Amedê,  bi armanca çalakiya "Nobeta azadiyê" ya 24 saetan li hev kom bûn. Polîsan park dorpêç kirin û gotin wê desturê nedin çalakiyê. Dayikan li gel gefên polîsan bi beşdariya parlamenterên HDP'ê Sîbel Yîgîtalp û Dîlek Ocalan daxuyanî dan.

OCALAN DI NAVA ÇAR DÎWARAN DE TÊDIKOŞE

Li ser navê dayikan Habîbe Dişkaya axivî û diyar kir ku ji Ocalan agahî nayê girtin. Dişkaya anî ziman ku tecrîda li ser Ocalan wan dixe fikaran. Dişkaya wiha got: "Ocalan di nava çar dîwaran de têdikoşe. Em ê wekî dayîk di rêya wî de heta dawiyê têkoşîna aştiyê bidomînin."

Dema ku Dişkaya daxivî polîsan mudaxale kirin û bi gotina "evqas bes e" kamera û wêne asteng kirin. Dayikan bi tîlîliyan ve nerazîbûnên xwe nîşan dan û dirûşmên "Bijî Serok Apo" "Bê Serok jiyan nabe" berz kirin.