PAJK'ê Demhat Agît û Cemîl Amed bi bîr anî û got, ''Divê dewleta Tirk jî zanibe wê hesabê vê komkujiyê were pirsîn, çi qas berdêl were dayn jî dawiyê wê Kurd bi ser bikevin û kes nikaribe ku bigihijin azadiya xwe''.
Koordînasyona PAJK'ê têkilî êrîşên Rojava û Demhat Agît û Cemîl Amed ê ku li Silêmanî hatin şehîdkirin daxuyanî da.
PAJK'ê bi bîr xist ku dewleta Tirk di salvgera Komploya Navnetewî 9'ê Cotmehê de êrîşa dagirker û komkuî li ser Rojava daye destpêkirin, li dijî vê şervanên azadiyê û gel berxwednaiyeke mezin nîşan daye û berxwedan slav kir.
PAJK'ê bal kişande ser şehîdên sivîl û şervanan û got, ''ji bo bîranîna wan a mezin a şervanên QSD, YPG, YPJ'ê ku heta guleya xwe ya dawî şer kirine û şehîd bûne, dîsa sonda Kurdistana azad dixwin.''
PAJK'ê Hevrîn Xelef, dayika Aqîde ku gotî heta Rêberê Gelê Kurd Abdullah Ocalan azad bibe wê reş li xwe bike, şervana YPJ'ê Amara ku bûyî hedefa êrîşa hovane ya çeteyan bi bîr xist, diyar kir hemû şehîdên Rojava bi hurmet bi bîr tînin û sersaxî da gelê Kurd û malbatan.
ŞEHÎDÊN ME JI BO KU EM TÊKOŞÎNA SERFIRAZ BIKIN JI BO ME FERMAN E
Têkilî Demhat Agît û Cemîl Amed ku li Silêmanî ji hêla dewleta Tirk ve hatin şehîdkirin jî PAJK'ê got, ''Di rewşeke wiha de ku êrîşên dagirkerî û komkujiyan didomin, dewleta Tirk li parçeyên din ên Kurdistanê jî polîtîkayên komkujiyê û êrîşan didomîne, nîşan dide ku li hebûn û destkeftiyên Kurdan çavneberiyê idke. Li kûdera cîhanê dibe bila bibe, pêşengên ku ji bo Kurdan û mafên wan têdikoşin dike hedef û qetil idke. Hêzên ku plansaziya komkujiya hevrê Sara ya li Parîsê kirin, duh di şexsê hevrê Helmet- Diyar Xerîb û îro jî di şexsê hevrê Cemîl û Demhat de polîtîkayên xwe didomin. Plansaziya van êrîşên hov dewleta Tirk û MÎT'a wêdike. Hin derdorên ku ji hêla Tirk ve kirine sîxûr, xayin û noker jî dibine şîrikê vê. Şehîdbûna hevrê Cemîl Amed û Demhat ku milîtanên pêşeng ên tevgera azadiyê jî ne, encama polîtîkayên wiha êrîşkar, hov, bêexlaq e. Ên ku destê wan di şehîdbûna van hevalan de destê wan heye, ku ev heval li qadeke bi kontrola hikûmeta Başûr xebat dikirin, divê derkeve holê. Em li bendê ne bihistyariya li ser komkujî û êrîşên dagirker ên li Rojava, ji bo zarên Kurd ku li ser xaka ku di bin kontrola wan de têne qetilkirn jî were nîşandan. Dewleta Tirk divê zanibe, hesabê vê komkujiyê bi mîsogerî wê were pirsîn. Divê dewleta Tirk zanibe bi mîsogerî wê hesabê vê komkujiyê were pirsîn, çi qas berdêl werin dayin jî wê gelê Kurd bi ser bikeve û kesek nikaribe pêşî lê bigire ku bigihe azadiya xwe. Şehîdên me ji bo ku em têkoşîna xwe serfiraz bikin ferman in û xeyalên wan ên ku nîvco mane wê bi têkoşîna me bi encam bibe.''
BERXWEDAN WÊ BI SER BIXÎNE, HESABÊN KOMPLOGERAN WÊ WERE XIRAKIRIN
PAJK'ê di daxuyaniya xwe de herî dawî got dewleta Tirk a faşîst ku li çar parçeyên Kurdistanê û li hemû cîhanê êrîşê dibe ser her destkeftiya Kurdan û komkujiyan dike teşîr bûye, berxwedan û têkoşîna Kurdan rûyê rast ê Erdogan û dewleta çete derxistiye holê û Erdogan ji bo sûcên şer wê were darizandin. PAJK'ê her wiha got DYE, Rûsya û deletên din ku rê li van êrîşan vekirin, ji bakurê Kurdistanê heta bi Başûr, Efrîn, Serêkaniyî bûyî hevkarê komkujiya li ser Kurdan wê hesab bidin.
PAJK'ê got, ''Gelê Kurd bêyî ku xwe bispêre kesî, ji bo azadiya xwe wê xwe bispêre hêza xwe, têkoşîna xwe li her qadê geş bike û li ber xwe bide. Li şehîdên xwe, li gel û nasnameya birûmet xwedî derkeve.''
PAJK'ê got, ''Careke dî em di şexsê hevrê Cemîl Amed û Demhat Agît de, pêşengên têkoşîna azadiyê, şervanên QSD, YPG, YPJ ku li Rojava li ber xwe dan û li rûmeta xwe xwedî derketin, gelê me yê sivîl ku şehîd bûne û zarokên bêguneh bi hurmet bi bîr tînin û sond dixwin ku hesabê van komkujiyan bipirsin.''
Berxwedan wê bi ser bikeve, wê hesabên komplogeran têk biçe, gelê Kurd wê azad bibe."
