PAJK'ê Bêrîtan bi bîr anî: Vîna jinê ya ku nayê teslîmgirtin

PAJK'ê Gulnaz Karataş (Bêrîtan) bi bîr anî û got, ''Bi vîna jinên Kurd ku teslîm nayên girtin, heta bi guleya xwe dawî şer kiriye, li dijî teslîmiyetê berxwedan tercîh kiriye''.

Koordînasyona PAJK'ê bi daxuyaniyekê Gulnaz Karataş (Bêrîtan) bi bîr anî.

PAJK'ê diyar kir meha Cotmehê hem ji bo dîroka şoreşa cîhanê û hem ji bo gelê Kurdistanê meheke xwedî wate ye, meha şehîdan e ku her roja wê bi berxwedanan tije ye û diyar kir ya ku ev meh tacîdar kirî şehîdbûna  Gulnaz Kartaş (Bêrîtan) e, ku bi berxwedana dastanî ev meh tacîdar kiriye PAJK'ê got, ''Di şexsê hevrê Bêrîtan de em hemû şehîdên xwe bi hurmet û minet bi bîr tînin. Em soz didin ku xeyalên wê yên Kurdistana azad bi cih bînin.''

'BI ARTÊŞBÛNA JINÊ GAVA MEZIN HATIYE AVÊTIN'

Bi berdewamî hate gotin, ''Wateya ku li berxwedana mezin a hevrê Gulna Karataş (Bêrîtan ) û şehateda wê hatî barkirin û gava mezin a ku pê hatî avêtin bûye artêşbûna jinê. Xeta Bêrîtan ku berxwedana Tevgera me ya Jİnê û di rêça têkoşînê de xetek e, bi keda hemû şehîdên me yên berxwedanê zêdetir xurt bûye. Îro ev rêç, bi Arîn, Amara û Barînan ji bo hemû tevgerên azadiyê yên jinan bûye hêvî. Bêrîtan li ser navê azdiyê bûye biryardarî, berxwedan û vîn.''

'NIKARÎBÛN KU TESLÎM BIGIRIN'

PAJK'ê di daxuyaniyê de wiha got: ''Dewleta Tirk a dagirker 25'ê Cotmeha 1992'an bi hêzên noker, dema êrîşên dagirker ên li ser Başûrê Kurdistanê, li eniya Xakurkê bi xeteke mezin a berxwedanê bûye bersiv. Hevrêya me Gulna Karataş (Bêrîtan) ku sembola vê berxwedanê ye, bi vîna jina Kurd a ku teslîm nayê girtin, heta bi guleya dawî şer kiriye, piştî ku çeka xwe dişikîne xwe ji zinaran avêtiye û li dijî teslîmbûnê biryar li ser berxwedanê kiriye. Ev berxwedana dastanî mîna xeta  Bêrîtan hatiye binavkirin.''

PAJK'ê diyar kir piştî vê serdemê jinên Kurdistanê bêhtir hewceyî pê dîtine ku rêxistiniya xeteke nû ya parastinê bikin, ji ber vê bi artêşbûna jinê avakirina rêxistiniyeke nû dest pê kiriye, rêxistiniya îdeolojîk, siyasî û leşkerî pêşengî li geşbûna kûrbûn û berbelavbûna aliyên teorîk, entellekuelî, dîplomatîk ên dema niha kiriye, her ku jinan parastina xwe kirine, bi biryardariyeke bilez û xurt civakîbûna azad, jin bi serhildanên 1992'an zêdetir tevlî eniya tevgera wan bûne. PAJK'ê diyar ki bi çûna jinan a li çiyayên azadiyê re kiryie ku xeta PKK'ê û PAJK'ê bibe civakî û azadî bi rengekî ku careke dî ji axê nikaribe were hilqetandin li Kurdistanê şîn bûye û hate gotin, ''Yek ji mîmara vê ya sereke hevrê Gulnaz Karataş (Bêrîtan) bûye.''

PAJK'ê herî dawî got xeta Bêrîtan bi PKK'ê û PAJK'ê re bûye xeta îdeolojîk, ji gelên Rojhilata Navîn û jian re bûye hêvî, Bêrîtan bûye sembol, di meha Cotmehê de bi dehan şehîdên şopdarên Bêrîtan çêbûne û diyar kir, ''Jinên Tİrk, Çerkez, Elman, Ereb tevlî meşa azadiyê bûne ya ku Rêber Apo dayî destpêkirin. Jinên ku vê meşê bi xeta PKK'ê û PAJK'ê rêxistiniya wê dikin îro ji bo ku jiyana azad ava bikin, li hemû deverên cîhanê têkoşîna azadiyê geş dikin.''

PAJK'ê herî dawî got, ''Em hevrêyên xwe (Beritan)-Gülnaz Karataş, (Zeynep)-Gurbetellî Ersoz, (Sarya)- Nursel Înce, (Ekin)- Incî Çelîk, (Meryem)-Meryem Hazar Çolak, (Canda)- Sanem Sertap, (Helî Çerkez)-Nermîn Akkuş, (Ronahi)- Andrea Wolf, (Bermal)-Guler Ortaç, (Rewşen)- Leyla Kaplan, Rojbîn Arap, Selamet Menteş, Aynur Artan, Rûken Bingol, Rojîn Gevda, Arîn Mîrkan, Dîcle Zafer, Medya Mawa careke dî bi hurmet bi bîr tînin, em soz didin ku bîranîna wan Kurdsitana azad ava bikin.''