Endamên jin ên desteyên Rêveberiya Xweseriya Demokratîk, saziyên civaka sivîl, partiyên siyasî li Çerxereya Sonî ya li taxa Enteriyê ya bajarê Qamişlo kom bûn. Jinan cil û bergên folkorî yên Kurdî li xwe kirn, alên Yekîtiya Star, Navenda Jina Azad a Rojava, YPJ û pankartên wekî "Ez ne pîreka im, ez jin im", "Ji şîdeta li hemberî jinê re na" rakirin.

Di mîtîngê de bi zimanên Kurdî û Erebî daxuyanî hatin xwendin. Di daxuyaniyan de lenet li şîdeta li hemberî jinê hat kirin û banga têkoşîna hevpar a li dijî şîdetê hat kirin.

Piştî daxuyaniyê, jin bi qîrîna dirûşman li nava kolanên bajêr belav bûn û belavok belav kirin.