Li taxa Ewîna ya ser bi navçeya Mêrdîn Stewrê, di çarçoveya çalakiyên 8’ê Adarê Roja Jinên Cihanê meşek hat lidarxistin.

Rêveberên KJA, DBP,HDP û KCD’ê hevşaredarên Stewr û gelek kes beşdarî meşê bûn. Jinên ku li taxê kom bûn bi dirûşmên “Jin, jiyan, azadî” û “Bê Serok jiyan nabe” û dowîz di destê wan de û pankarta li ser wêneyê jinên siyasetmedar ên Kurd ên li Parîs û Silopiyayê hatin qetilkirin dest bi meşê kirin. Şêniyên taxê jî li şaneşînên malên xwe bi çepik û tilîliyan piştgirî dan meşê. Çalakvanên ku demek dirêj di nava kolanên taxê de meşiyan, dîsa li qada navendê kom bûn.

Piştî rêzgirtinê, daxuyanî hat dayîn û hat diyarkirin wê li ser rêya jinên têkoşer ên di têkoşîna azadiyê de jiyanan xwe ji dest dan bimeşin.