Li bajarê Elmanya Hambûrgê, bi pêşengiya Meclîsa Jinê ya Rojbîn, jinan li dijî komkujiyan çalakiya 'deng derxistinê' lidar xistin. Çalakgerên li ser banga Tevgera Jinên Kurd li Ewropayê (TJK-E) duh êvarê li Hachmannplatzê li hev civiyan, bi dengderxistinê re pêkanînên faşîzan ên li Kurdistanê protesto kirin.

Jinan di çalakiyê de qûşxane, tawe, erbane û pîspîskan xistin û piştî mîtîngê dest bi meşê kirin. Di meşê de gelek belavok hatin belavkirin û hat xwestin, ku Rêberê Gelê Kurd Abdullah Ocalan û hemû girtiyên siyasî serbest werin berdan.

Rêze çalakiyên li Hambûrgê wê îro saet di 17:00 de li Altona û sibe (Pêncşem) saet di 16:00 de jî li Monckebergstrasseyê bi mîtîngekê bidomin.

Ji bo tevlî çalakiya ji bo şermezarkirina Serokwezîrê Tirk Ahmet Davûtoglû yê roja Înê tê Berlînê bibin, Kurdistanî wê saet di 06:30 de li ZOB'ê bi otobusan bi rê bi kevin.