Li Navenda Civaka Demokratîk a Kurd a li bajarê Elmanya Dresdenê, bi wesîleya 25'ê Mijdarê Roja Têkoşîna li dijî Şîdeta li hemberî Jinê, semîneke hat lidarxistin.

Semîner ji aliyê Meclîsa Jinê ve hat organîzekirin. Semîner ji aliyê aktîvîsta Tevgera Jinên Kurd li Ewropayê (TJK-E) Dîlan Amed ve hat dayîn. 

Amed bal kişand ser dîroka 25'ê Mijdarê û rê û rêbazên derketina holê ya zayendîparêziya civakî ya li ser înkarkirina civaka xwezayî, vegot.

Di semînerê de avakirina xweparastinê ya têkoşîna jinê û afirandina civaka xwezayî hat nîqaşkirin. Semîner bi qîrîna dirûşmên "Bijî Berxwedana Jinên Cîhanê", "Bijî YPJ" û "Bijî Serok Apo" bi dawî bû.