Li paytexta Elmanya Berlînê bi navê Binevş Edesa Meclîsa Jinên Êzidî ava bû.

Kongreya damezrandinê bi deqeyeke rêzgirtinê destpê kir. Beşdarên kongreyê bal kişandin ser girîngiya rêxistinbûyîna jinên Êzidî û dan zanîn ku bi hişmendiya jinê re divê vîna xwebûnê bê afirandin û bi vî rengî bersiv ji pêvajoya heyî re were dayîn.

Qisekeran diyar kirin, ku di vê demê de li her qadê êrîşeke bi zanebûn li hemberî jinan tê kirin û destnîşan kirin, ku ji bo afirandina sîstema civaka ekolojîk, demokratîk û azadîparêziya jinê, ku alternatîfa sîstema zayendîparêz û civaka çînî ye, girîng e jin xwe di nava meclîsan de bi rêxistin bikin.

Di dawiya kongreyê de meclîsa ji 33 kesan hat avakirin. Her wiha komîsyonên çapemenî, hiqûq, têkiliyên derve, civak, ziman û perwerde, aborî, jinên ciwan û jinên Şengalê hatin destnîşankirin.